Xitay da'iriliri ürümchide ayrupilanni görüge élish weqesige qarshi manéwir ötküzdi

Xitayning döletlik ayropilan bulash weqelirini bir terep qilish rehberlik guruppisi Uyghur aptonum rayondiki alaqidar tarmaqlar bilen birliship, charshenbe küni ürümchi ayrodurumida ayropilanni görüge élish weqesige qarshi manéwir ötküzdi.

Xitayning hökümet axbarati bolghan tengritagh tor bétining xewiridin ashkarilinishiche, manéwirda xitayning bir yoluchilar ayrupilani melum bir dölettin qaytqanda, töt neper " térrorchi"ning bulishigha uchrighanliq weqesi teqlid qilin'ghan. Xitay saqchiliri manéwir jeryanida bulan'ghan ayrupilanni ürümchi ayridurumigha qonushqa mejbur qilish we ayrupilan bulighuchilarni étip öltürüsh herikitini meshiq qilghan. Mezkür manéwirgha Uyghur aptunum rayundiki jama'et xewpsizlik, awi'atsiye, tashqi ishlar, bixeterlik, sehiye we qoralliq qisim qatarliq tarmaqlardin 600 din artuq adem qatnashqan.

Gerche xitay hökümiti bu qétimqi manéwir arqiliq xitayning alaqidar tarmaqlirining xelq'ara térrorchilargha chétishliq ayrupilan bulash weqelirige taqabil turush qabiliyitini östürüshni meqset qilidighanliqini bildürsimu, emma chet'eldiki Uyghur analizchiliri xitayning mezkür manéwirni bashqa jaylarda emes, belki Uyghur élide ötküzgenlikige guman bilen qarimaqta.

Ularning bildürishiche, Uyghur élide hazirgha kelgiche ayrupilan bulash weqeliri yüz bermigen bolup, xitay hökümitining ürümchide bundaq bir manéwirni élip bérishi, Uyghur élidiki siyasiy heriketlerni xelq'ara térrorchiliqqa chétishqa uruniwatqanliqining bir namayendisi iken. (Arzu)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar