Xitay we qazaqistan birleshme manéwir ötküzmekchi

• 
  2006-08-21

Xitay jama'et xewpsizlik ministirliqi xitay we qazaqistan bixeterlik küchliri we edliye da'irilirining aldimizdiki peyshenbe küni térrorchiliqqa qarshi birleshme maniwér élip baridighanliqini bildürdi.

Xitay da'irilirining ashkarilishiche, 24‏- awghusttin 26‏- awghust künigiche Uyghur aptonom rayonining ghulja we qazaqistanning alma-ata rayoni etrapida élip bérilidighan manéwirgha "tengritagh – 1 " dep nam bérilgen.

Xitay jama'et xewpsizlik ministirliqining bildürüshiche, bu qétimqi maniwér bu yil iyun éyida shangxeyda ötküzülgen shangxey hemkarliq teshkilati dölet bashliqliri yéghini jeryanida, teshkilatqa eza döletlerning edliye da'iriliri we bixeterlik küchliri otturisidiki hemkarliqni téximu kücheytish toghrisida imzalan'ghan kélishimge asasen élip bérilidiken.

Shangxey hemkarliq teshkilatigha eza dölet bashliqliri shangxeydiki aliy derijilik uchrishishi jeryanida élan qilghan birleshme bayanatida, diniy esebilik, bölgünchilik we térrorchiliqqa qarshi turush hélimu shangxey hemkarliq teshkilatining asasliq nishani dep, eskertken idi. (Qanat)