Хитай вә қазақистан бирләшмә маневир өткүзмәкчи


2006.08.21
Share on WhatsApp
Share on WhatsApp

Хитай җамаәт хәвпсизлик министирлиқи хитай вә қазақистан бихәтәрлик күчлири вә әдлийә даирилириниң алдимиздики пәйшәнбә күни террорчилиққа қарши бирләшмә манивер елип баридиғанлиқини билдүрди.

Хитай даирилириниң ашкарилишичә, 24‏- авғусттин 26‏- авғуст күнигичә уйғур аптоном райониниң ғулҗа вә қазақистанниң алма-ата райони әтрапида елип берилидиған маневирға "тәңритағ – 1 " дәп нам берилгән.

Хитай җамаәт хәвпсизлик министирлиқиниң билдүрүшичә, бу қетимқи манивер бу йил июн ейида шаңхәйда өткүзүлгән шаңхәй һәмкарлиқ тәшкилати дөләт башлиқлири йеғини җәрянида, тәшкилатқа әза дөләтләрниң әдлийә даирилири вә бихәтәрлик күчлири оттурисидики һәмкарлиқни техиму күчәйтиш тоғрисида имзаланған келишимгә асасән елип берилидикән.

Шаңхәй һәмкарлиқ тәшкилатиға әза дөләт башлиқлири шаңхәйдики алий дәриҗилик учришиши җәрянида елан қилған бирләшмә баянатида, диний әсәбилик, бөлгүнчилик вә террорчилиққа қарши туруш һелиму шаңхәй һәмкарлиқ тәшкилатиниң асаслиқ нишани дәп, әскәрткән иди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.