خىتاي- قازاقىستان بىرلەش مانېۋىرىنىڭ ئىككىنچى باسقۇچى باشلىدى

خىتاي- قازاقىستان تېررورچىلىققا قارشى بىرلەشمە مانېۋىرىنىڭ ئىككنچى باسقۇچى شەنبە كۈنى ئەتتىگەن ئۇيغۇر ئېلىنىڭ غۇلجا رايونىدا باشلاندى. خىتاي جامائەت خەۋەپسىزلىك مىنىستىرلىقىنىڭ خەۋەر قىلىشىچە، خىتاي تەرەپ مانېۋىرنىڭ بۇ قىسمىدا ھەربىي تېك ئۇچارلار ۋە تانكا ھەربىي ئۈسكۈنلەر ئىشلىتىدىكەن.

مانېۋىرنىڭ بىرىنچى قىسىمى پەيشەنبە كۈنى قازاقسىتاننىڭ ئالما-تا رايونىدا ئېلىپ بېرىلغان. ئۈچ كۈن داۋاملاشقان بۇ مانېۋىرغا خىتاي ۋە قازاقىستان ئەدلىيە دائىرىلىرى ۋە ئالاھىدە ھەربىي قىئىسىملىرى قاتناشقان. بۇ خىتاي ۋە قازاقىستان شاڭخەي ھەمكارلىق تەشكىلاتى رامكىسى ئىچىدە بىرلىكتە ئېلىپ بارغان تۇنجى مانېۋىر ھېسابلىنىدۇ.

خىتاي جامائەت خەۋپسىزلىك مىنىستىرلىقى خادىملىرىنىڭ بىلدۈرۈشىچە، بۇ قېتىمقى مانېۋىر خىتاي بىلەن قازاقىستان ئەدلىيە دائىرىلىرى ۋە بىخەتەرلىك ئورگانلىرى ئوتتۇرىسىدىكى ھەمكارلىقنى تېخىمۇ كۈچەيتىپ، ئۇلارنىڭ تېررورلۇق ھەرىكەتلىرىگە تېز جاۋاپ قايتۇرۇش قابىلىيەت ۋە ئىقتىدارىنى ئاشۇرۇشنى مەقسەت قىلىدىكەن. (قانات)