خىتاينىڭ ئۇيغۇر ئاپتونوم رايونىدا تۇرۇشلۇق قىسىملىرى قارا قۇرۇم تاغلىرىدا مانىۋېر ئۆتكۈزدى
2006.09.18
خىتاينىڭ ئۇيغۇر ئاپتونوم رايونىدا تۇرۇشلۇق ھەربىي قىسىملىرى ئۆتكەن ئاينىڭ ئاخىرلىرىدىن بۇ ئاينىڭ باشلىرىغىچە قارا قۇرۇم تاغلىرىدا "باتۇر تەڭرىتاغ دىۋىزىيىسى" نام بېرىلگەن ھەربىي مانىۋېر ئۆتكۈزدى.
خىتاي مەتبۇئاتلىرى، شىنجاڭ ھەربىي رايونىنىڭ ھاۋا شالاڭ، قۇم بوران ۋە ئىسسىق ھاۋاغا ماسلىشالايدىغان ئالاھىدە ھەربىي قىسىملارنى قۇرغانلىقىنى بىلدۈردى. "خەلق گېزىتى" تور بېتىنىڭ خەۋەر قىلىشىچە، بۇ مانىۋېر ھەربىي قىسىملارنى ئىگىز ۋە سوغاق رايونلاردا ھەرىكەت قىلىش ئىقتىدارىنى ئۆستۈرۈشتە بىرىنچى قول ماتېرىيال بىلەن تەمىنلىگەن.
بۇ خىتاي دائىرىلىرىنىڭ يېقىنقى 2 ئاي ئىچىدە ئۇيغۇر ئاپتونوم رايونىدا - 2 قېتىملىق ھەربىي مانىۋېرى بولۇپ ھېسابلىنىدۇ. خىتاي بۇنىڭدىن بۇرۇن ئۆتكەن ئايدا قازاقىستان بىلەن بىرلىشىپ، غۇلجا شەھىرى ئەتراپىدا تېرورىزىمغا قارشى ھەربىي مانىۋېر ئېلىپ بارغان.
خىتاي دائىرىلىرى ئاتالمىش 3 خىل كۈچلەرنى ئۇيغۇر ئاپتونوم رايونىنىڭ بىخەتەرلىكىگە تەھدىت سالماقتا، دەپ ئەيىپلىسىمۇ، لېكىن خەلقئارا كىشىلىك ھوقۇق تەشكىلاتلىرى خىتاي تېرورىزىمنى باھانە قىلىپ، ئۆز پىكىرىنى تىنچ يوللار بىلەن ئىپادىلىگەن دىنىي زاتلار ۋە سىياسى كۆز قارىشى ئوخشىمايدىغان كىشىلەرنى باستۇرماقتا، دەپ ئەيىبلىگەن. (ئەركىن)
مۇناسىۋەتلىك ماقالىلار
- خىتاي- قازاقىستان بىرلەشمە ھەربىي مانېۋىرى ئاخىرلاشتى
- خىتاي- قازاقىستان بىرلەش مانېۋىرىنىڭ ئىككىنچى باسقۇچى باشلىدى
- قازاقىستان - جۇڭگو تېررورىزمغا قارشى تۇرۇش بىرلەشمە مانېۋىرى باشلاندى
- خىتاي ۋە قازاقىستان بىرلەشمە مانېۋىر ئۆتكۈزمەكچى
- ج خ نازارىتى ئۈرۈمچىدە تېررورچىلىققا قارشى ھەربىي مانېۋىر ئۆتكۈزدى