Xitayning Uyghur aptonom rayonida turushluq qisimliri qara qurum taghlirida maniwér ötküzdi
2006.09.18
Xitayning Uyghur aptonom rayonida turushluq herbiy qisimliri ötken ayning axirliridin bu ayning bashlirighiche qara qurum taghlirida "batur tengritagh diwiziyisi" nam bérilgen herbiy maniwér ötküzdi.
Xitay metbu'atliri, shinjang herbiy rayonining hawa shalang, qum boran we issiq hawagha maslishalaydighan alahide herbiy qisimlarni qurghanliqini bildürdi. "Xelq géziti" tor bétining xewer qilishiche, bu maniwér herbiy qisimlarni igiz we soghaq rayonlarda heriket qilish iqtidarini östürüshte birinchi qol matériyal bilen teminligen.
Bu xitay da'irilirining yéqinqi 2 ay ichide Uyghur aptonom rayonida - 2 qétimliq herbiy maniwéri bolup hésablinidu. Xitay buningdin burun ötken ayda qazaqistan bilen birliship, ghulja shehiri etrapida térorizimgha qarshi herbiy maniwér élip barghan.
Xitay da'iriliri atalmish 3 xil küchlerni Uyghur aptonom rayonining bixeterlikige tehdit salmaqta, dep eyiplisimu, lékin xelq'ara kishilik hoquq teshkilatliri xitay térorizimni bahane qilip, öz pikirini tinch yollar bilen ipadiligen diniy zatlar we siyasi köz qarishi oxshimaydighan kishilerni basturmaqta, dep eyibligen. (Erkin)
Munasiwetlik maqalilar
- Xitay- qazaqistan birleshme herbiy manéwiri axirlashti
- Xitay- qazaqistan birlesh manéwirining ikkinchi basquchi bashlidi
- Qazaqistan - junggo térrorizmgha qarshi turush birleshme manéwiri bashlandi
- Xitay we qazaqistan birleshme manéwir ötküzmekchi
- J x nazariti ürümchide térrorchiliqqa qarshi herbiy manéwir ötküzdi