"Noruzni" haraqqa tawar markisi qilip ishlitish talash - tartish qozghidi

2006-08-04
Élxet
Pikir
Share
Print

Uyghur aptonom rayonining qeshqer shehiridiki bir haraq shirkitining " noruz " ni haraqqa tawar markisi qilip ishletkenliki rayonda milliy en'enisige sezgür kishiler arisida talash - tartish qozghidi. Shinjang qeshqer noruz haraqliri cheklik shirkiti, dep atlidighan bir karxana haraq mehsulatini "noruz" digen isim bilen chiqarghan we " noruz "hariqining butulka qépigha meschitning resimini chüshürgen.

Rayonda Uyghurche chiqidighan tor betler "noruz"ni haraq markisi qilip ishlitishning Uyghur milliy medeniyet chüshenchisige uyghun kélidighan yaki kelmeydighanliqini talash - tartish qilmaqta. Bu marka " noruz haraqliri" digen isim bilen qeshqer poyiz istansisi binasigha ornitilghan. Noruz Uyghurlarning diniy bayrimi bolmisimu, lékin u Uyghurlarning milliy medeniyitide chongqur orun alghan étnik bayram. " Noruzni" haraqqa tawar markisi qilip ishlitishke qarshi turghuchilar, " bir milletning milliy medeniyitini ipadileydighan yaki shu milletning medeniyitide chongqur orun alghan we örp - aditi bilen gireliship ketken bu isimni bu mehsulatqa tawar markisi qilip ishletse bolmaydu" dep yazmaqta. Bezi kishiler, qeshqer noruz haraqliri cheklik shirkiti üstidin qanuni dawa échishni otturigha qoyghan.

Mutexessislerning agahlandurushiche, haraqkeshlik Uyghur jem'iyitide kishilerning jismani we meniwiy salametlikige zerer bérish derijisigiche bérip yetmekte bolghan éghir ijtima'iy mesile. Gheyri resmiy melumatlarda körsitilishiche, Uyghur aptonom rayoni nopusining köp qisimi musulmanlar bolsimu, lékin xitay boyiche haraq zawuti eng köp rayon hésablinidiken. (Erkin)

Pikirler (0)
Share
Toluq bet