Uyghur élide ishlepchiqirilghan 63 xil mehsulat xitay boyiche ésil markiliq mehsulat qatarigha kirdi

" 2006 ‏- Yilliq junggu markisi we süpet bashqurushta ilghar karxanilarni bahalash yighini" da, Uyghur élidiki 57 karxana teripidin ishlepchiqirilghan 63 xil mehsulat xitay buyiche aliy markiliq mehsulatlar qatarigha kirgen.

Xitay xewer agéntliqining peyshenbe küni bergen xewirige asaslan'ghanda, xitay buyiche izchil türde süpetlik mehsulat qatarida bahalinip kelgen tengritagh yung toqulma hessi'idarliq shirkiti qatarliq 7 karxanining 7 türlük mehsulati xitayning markiliq mehsulatliri qatarida musabiqige qatnashturulup, 2006 ‏- yilliq junggu markisi dep bahalan'ghan. Xewerlerge qarighanda , nöwette Uyghur élining 13 xil mehsulati junggu markisi, 100 xil mehsulat bolsa Uyghur éli markisi qilip békitilgen.

Marka yaritish, hazirqi zaman bazar tereqqiyatining éhtiyaji bolup, Uyghur élining tebi'iy shara'itigha xas bolghan, xitayda intayin az uchraydighan alahide mehsulatlar, yalghuz xitayda etiwarlinipla qalmastin belki chet'ellerdimu intayin qimmetlik hésablinidu. Nöwette Uyghur élide chiqidighan qash téshi mehsulatliri dunya buyiche dangliq buyumlar qatarida sanalmaqta. (Eqide)