Se'udi erebistan qurulush shirkiti Uyghur élidiki qurulush sodisigha meblegh salidu

Se'udi erebistandiki eng chong qurulush shirkiti el- suweyqet, Uyghur aptonom rayonidiki shinjang qurulush layihilesh shirkiti bilen mezkur rayonda soda xaraktérlik bina sélish qurulushigha meblegh sélish kélishimi imzalidi. Kélishim boyiche el - suweyqet shirkiti, shinjang qurulush layihilesh shirkitining bina qurulushigha yer sétiwélishi üchün 50 ming dollar zakalet bergen. 50 Ming dollar zakalet se'udi erebistan qurulush shirkitining yawropa we amérikidiki nechche milyard dollarliq meblighi aldida hichnimige erzimisimu amma bu, se'udi erebistan meblighining xitaygha yüzliniwatqanliqidin dérek béridu. Shundaqla bu Uyghur aptonom rayonigha meblegh salghan tunji se'udi shirkiti bolup qalidu.

Se'udi da'irilirining bildürüshiche, el-süweyqet shirkitining chet'eller bilen bolghan yilliq tijaret hejimi 4 miliyart 800 milyon dollar bolup, mezkur shirket bu yilning bashliri shinjang qurulush lahiyilesh shirkiti bilen se'udi erebistanda ahalilar olturaq binasi sélish hemkarliq kélishimi imzalighan. Se'udi erebistan soda ömiki tunji qétim 1996 - yili Uyghur aptonom rayonini ziyaret qilghan bolup, igileshlerge qarighanda Uyghur aptonom rayonining eyni chaghdiki re'isi ablet abdiréshit, Uyghur aptonom rayonigha meblegh sélish niyitige kelgen se'udiliq sodigerlerni gensugha meblegh sélishqa ündigen. (Erkin)