Xitay milliy til yéziqtiki matériyallarni terjime qilishqa meblegh ajratmaqchi

• 
  2006-01-15

Xitayning shinxu'a torining uchuridin qarighanda, Uyghur aptonom rayonluq siyasiy kéngeshning 9-qétimliq yighidin buyan bir qisim siyasiy kéngesh ezaliri " charwichiliq we déhqanchiliq rayonidiki penni omumlashturush we milliy tildiki gézit-zhurnallarni terjime qilish mebleghlirini hel qilish" heqqide layihe sun'ghan bolup, aptonom rayonluq maliye nazarariti penni omumlashturush meblighini eslidiki ikki milyon yüendin töt milyon yüen'ge köpeytmekchi bolghan.

Xewerde körsitilishiche, bir qanche neper siyasiy kéngesh ezaliri milliy tildiki penni omumlashturush matériyallirini köplep terjime qilishning ehmiyitini chüshendürüshke tirishqan. Lékin, chet'ellerdiki Uyghur közetküchilirining éytishiche, aptonom rayonluq maliye nazaritining penni omumlashturush üchün eslidin ikki milyon yü'en ajritishining özi nahayiti az bolup, buning aran töt milyon yü'en'ge köpeytilishi iqtisadiy téz tereqqi qiliwatqan xitay hökümiti üchün héch nerse emes.

Xitay hökümiti ezeldinla az sanliq milletlerge yardem bérish dégenni dégenni teshwiq qilip kelgen bolsimu, emma, Uyghur qatarliq milletlerning Uyghur élidiki nopusning 60 %ni teshkil qilishigha qarimay, ularning tilida chaqirilidighan matériyallargha ajritilidighan meblegh ezeldin xitay tilidikidin az bolup kelgen.

Uning üstige hazir xitay tilini omumlashturushqa téximu zor meblegh ajritilghan bolup, Uyghur tili bara-bara peqet a'ilide ishlitilidighan til derijisige chüshürüp qoyulushqa qarap yüzlendürülgen.(Ümidwar)