Uyghur diyari chet'el we xitay sodigerlirini béyitidighan pursetke aylanmaqta

• 
  2006-07-20

Uyghur diyarining merkizi ürümchi shehiride nöwette ötküzüliwatqan, xelq'ara kiyim - kéchek, zibu - zinnet körgezmisi Uyghurlarning narazili'iqni qozghidi.

Xewerlerge qarighanda, bu qétimqi kéyim - kéchek, zibu - zinnet körgezmisige nurghun meblegh sélin'ghan bolup, körgezmige rusiye, pakistan, qirghizistan, qatarliq döletler bilen xitayning ölkiliridin kelgen sodigerler qatnashqandin sirt, Uyghur aptonom rayonining rehberlirimu qatnashqan, mezkür körgezmide xelq'ara soda ölchimige yetken orundin 707 si tesis qilin'ghan we 416 karxana körgezmige qatnashqan.

Tengritagh torida, ürümchi sheherlik partkomning mu'awin sékritari neyim yasinning sözi neqil keltürülgen bolup, u sözide herqaysi jaylardin kelgen méhmanlarni qizghin qarshi alidighanliqini, we xitayning ichi - sirtidin kelgen sodigerlerge yaxshi sehne hazirlap béridighanliqini hemde ular üchün ela muhit ,ela mulazimet we yaxshi shara'it yaritip béridighanliqini bildürgen.

Biraq, dunya Uyghur qurultiyining bayanatchisi dilshat réshit Uyghur diyaridiki bu tereqqiyatlarning, bu zéminda yashwatqan Uyghurlar üchün payda körsitelmeydighanliqini tekitlep ,sherqiy türkistan chet'el we xitay sodigerlirini béyitidighan bir jaygha aylandi" dédi. Chet'ellerdiki Uyghurlar, bu xil körgezmilerge qatnishidighan Uyghur sodigerlirining intayin az ikenlikini hetta yoq diyerlikini bildürüp, neyim yasinning sözige qattiq naraziliq bildürüdi.

Dilshat rishitning éytishiche, xitayning gu'angdung ölkisidin kelgen jang famillik bir xitay, mezkür körgezmige uda ikki yil qatnashqan bolup, u muxbirlargha " shinjang méni bay qilidighan yaxshi makan" dégen. (Eqide)