Хитай һөкүмити уйғур аптоном райониға бивастә мәбләғ салидиған дөләтләрниң санини көпәйтти


2007.01.31

'Хитай һәққидә билимләр ' тор бетидә хәвәр қилинишичә, хитай һөкүмити һазир уйғур аптоном райониға бивастә мәбләғ салидиған дөләтләрниң санини 100 гә йәткүзүп болған. Чәтәлләрниң бу аптоном районға бивастә салған мәблиғи 360 милйон америка доллириға йәткән. Йеқинқи бир нәччә йилдин буян чәтәлләрниң бу аптоном районға бивастә селиватқан мәбләғлири һәр йили 34% лик нисбәт буйичә көпийиватиду.

Хәвәрдә ейтилишичә, 5600 километир чегриси чәтәлләр билән тутишидиған бу уйғур аптоном районида, хитай һөкүмити һазир 100 дин артуқ дөләт билән 9 милярд америка доллирилиқ сода қилип, содида 5 милярд 170 милйон америка доллири пайда қазинип болған. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.