Ziminis shirkiti Uyghur aptonom rayoni bilen meblegh sélish kélishimi imzalidi
2005.08.23
Gérmaniyining ziminis(Siemens) shirkiti yéqinda Uyghur aptonom rayoni hökümiti bilen meblegh sélish we iqtisadi hemkarliqni kéngeytish türliri boyiche kélishim imzalidi. Uyghur aptonom rayonluq tereqqiyat we islahat komitéti bilen ziminis shirkiti otturisidiki kélishim, néfit - ximiye sana'iti, sheher asasi esliheler qurulushi, éléktir istansisi, transport sistémisi, téléfon alaqilishish téxnikisi, transpormator, tibabetchilik, yorutush sistémisi, yuqiri bésimliq mehsulatlar, aptomatik kontrol sistémisi we binakarliq téxnikisi qatarliq sahelerdiki hemkarliqni kéngeytish we meblegh sélish türlirini öz ichige alidu.
Béyjing hökümiti xitay sana'itining Uyghur aptonom rayonidiki néfit- tebi'iy gaz énérgiye menbe'elirige tayinish qedimini tézlitip, xelq'ara shirketlerni rayon'gha jelp qilish üchün tirishmaqta.
Ziminis shirkiti xitay shöbisining mudiri xaw ruyching, ziminisning kishilik hoquq, emgek hoquqi, muhit qoghdash we Uyghur teshkilatlirining tenqidige uchrawatqan gherbni échish istratégiyisige aktip qatnishiwatqanliqini bildürgen. Ziminis shirkitining ürümchidiki ishxanisi 2001 - yili échildi. Mezkur shirket 2005 - yili bagang 1 - awghust polat - tömür shirkiti we jonggo néfit turuba qurulush shirkiti bilen, mezkur shirketlerni téxnika we esliheler bilen teminlesh kélishimi imzalighan. (Erkin)