Сақчилар үрүмчидики бир қисим уйғурчә нәшрият боюмлирини мусадирә қилди


2006.02.15
Share on WhatsApp
Share on WhatsApp

Йеқинда сақчилар үрүмчидики бир қисим диний мәзмундики уйғурчә нәшр боюмлирини, қанунсиз нәшр қилинған дәп мусадирә қиливалған.

Уйғур аптоном районлуқ радио истансисиниң хәвиригә қариғанда, 10‏- вә 11‏-феврал күнлири, үрүмчи шәһәрлик мәдәнийәт базарлирини тәкшүрүш әтрити билән үрүмчи шәһәрлик җамаәт хәвпсизлик идарисиниң тяншан районлуқ тармақ идариси бирликтә, дөңкөврүк вә униң әтрапидики миллий тилдики нәшр боюмлири базирини туюқсиз тәкшүрүп, диний мәзмундики VCD пластинкисидин 630 парчә , диний мәзмундики китабтин 559 парчә вә 350 парчә диний тәшвиқат рәсимини оғрилиқчә нәшр қилинған дәп мусадирә қиливалған.

Хәвәрдә йәнә, диний мәзмундики қисмән қанунсиз нәшр боюмлириниң мунасивәтлик орунларниң тәкшүрүп бекитишигә сунулғанлиқи йезилған. Шундақла буниңдин кейин, үрүмчи шәһәрлик мәмурий башқуруш орунлири бирлишип бу районда тәкшүрүшни йәниму күчәйтидиғанлиқи тәкитләнгән .

Уйғур зиялийлири, хитай һөкүмитиниң әзәлдин уйғур тилидики нәшр боюмлирини қаттиқ контрол қилидиғанлиқини, шундақла нәшр боюмлириға болған зәрбиниң көпүнчә һалларда оғрилиқчә яки қанунсиз нәшр қилинған дегәнгә охшаш баһаниләр билән елип берилидиғанлиқини билдүрмәктә. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.