Saqchilar ürümchidiki bir qisim Uyghurche neshriyat boyumlirini musadire qildi


2006.02.15
Share on WhatsApp
Share on WhatsApp

Yéqinda saqchilar ürümchidiki bir qisim diniy mezmundiki Uyghurche neshr boyumlirini, qanunsiz neshr qilin'ghan dep musadire qiliwalghan.

Uyghur aptonom rayonluq radi'o istansisining xewirige qarighanda, 10‏- we 11‏-féwral künliri, ürümchi sheherlik medeniyet bazarlirini tekshürüsh etriti bilen ürümchi sheherlik jama'et xewpsizlik idarisining tyanshan rayonluq tarmaq idarisi birlikte, döngköwrük we uning etrapidiki milliy tildiki neshr boyumliri bazirini tuyuqsiz tekshürüp, diniy mezmundiki VCD plastinkisidin 630 parche , diniy mezmundiki kitabtin 559 parche we 350 parche diniy teshwiqat resimini oghriliqche neshr qilin'ghan dep musadire qiliwalghan.

Xewerde yene, diniy mezmundiki qismen qanunsiz neshr boyumlirining munasiwetlik orunlarning tekshürüp békitishige sunulghanliqi yézilghan. Shundaqla buningdin kéyin, ürümchi sheherlik memuriy bashqurush orunliri birliship bu rayonda tekshürüshni yenimu kücheytidighanliqi tekitlen'gen .

Uyghur ziyaliyliri, xitay hökümitining ezeldin Uyghur tilidiki neshr boyumlirini qattiq kontrol qilidighanliqini, shundaqla neshr boyumlirigha bolghan zerbining köpünche hallarda oghriliqche yaki qanunsiz neshr qilin'ghan dégen'ge oxshash bahaniler bilen élip bérilidighanliqini bildürmekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.