Биңтуән түрмисидики уйғур мәһбус


2007.04.26
Share on WhatsApp
Share on WhatsApp

Уйғур елидә тинчлиқ асасида елип берилған намайишлар хитай һакимийитиниң қаттиқ бастурушлириға учрап кәлгән вә нурғунлиған намайишчилар түрмиләргә ташлинип кәлгән иди.

Хитайлар мәзкур намайиш вә тинчлиқ асасида елип берилған наразилиқ ипадиләш һәрикәтлиридә қолға елинған яшларни әзәлдин биңтуән қармиқидики түрмиләргә солимиғанлиқини ипадиләп кәлгән.

Әмма, "шәрқий түркистан ахбарат мәркизи" ниң тор бетидә 25 ‏- април берилгән сүрәтлик хәвәрдин ашкарилинишичә, йәрликтин қолға елинған намайишичиларниң йәнә биңтуән түрмиләргә қамалғанлиқи мәлум.

Хәвәрдә, "или гезити" дә елан қилинған бир парчә сүрәтлик хәвәрдә берилгән мәлуматлардин нәқил кәлтүрүшичә, 3- айниң 27 ‏- күни биңтуәниниң илидә турушлуқ 4- дивизийиси сот мәһкимиси сотчилири, "қорғас боз йәр өзләштүрүш түрмиси" гә келип мәзкур түрмигә соланған турған исимлик бир мәһбусқа қанун тәрбийиси елип барғанлиқи ейтилған.

Шәрқи түркистан ахбарат мәркизиниң билдүрүшичә, йәнә нурғунлиған уйғур яшлири биңтуән түрмилиридә ятмақта икән.

1997-Йилидики "5 - феврал" күни миңлиған ғулҗа яшлири тинчлиқ йосунда наразилиқ намайиши илип барған иди. Әмма бу намайиш хитай һөкүмити тәрипидин қанлиқ бастурулған болғачқа "5- феврал ғулҗа вәқәси" дәп аталған болуп, һәр йили 2 -айниң 5- күни дуняниң һәрқайси җайлиридики уйғурлар бу вәқәни хатириләш паалийити елип берип мәзкур вәқәдә қаза қилғанларни әслишип өтиду. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.