Bingtu'en türmisidiki Uyghur mehbus

2007-04-26
Élxet
Pikir
Share
Print

Uyghur élide tinchliq asasida élip bérilghan namayishlar xitay hakimiyitining qattiq basturushlirigha uchrap kelgen we nurghunlighan namayishchilar türmilerge tashlinip kelgen idi.

Xitaylar mezkur namayish we tinchliq asasida élip bérilghan naraziliq ipadilesh heriketliride qolgha élin'ghan yashlarni ezeldin bingtu'en qarmiqidiki türmilerge solimighanliqini ipadilep kelgen.

Emma, "sherqiy türkistan axbarat merkizi" ning tor bétide 25 ‏- april bérilgen süretlik xewerdin ashkarilinishiche, yerliktin qolgha élin'ghan namayishichilarning yene bingtu'en türmilerge qamalghanliqi melum.

Xewerde, "ili géziti" de élan qilin'ghan bir parche süretlik xewerde bérilgen melumatlardin neqil keltürüshiche, 3- ayning 27 ‏- küni bingtu'enining ilide turushluq 4- diwiziyisi sot mehkimisi sotchiliri, "qorghas boz yer özleshtürüsh türmisi" ge kélip mezkur türmige solan'ghan turghan isimlik bir mehbusqa qanun terbiyisi élip barghanliqi éytilghan.

Sherqi türkistan axbarat merkizining bildürüshiche, yene nurghunlighan Uyghur yashliri bingtu'en türmiliride yatmaqta iken.

1997-Yilidiki "5 - féwral" küni minglighan ghulja yashliri tinchliq yosunda naraziliq namayishi ilip barghan idi. Emma bu namayish xitay hökümiti teripidin qanliq basturulghan bolghachqa "5- féwral ghulja weqesi" dep atalghan bolup, her yili 2 -ayning 5- küni dunyaning herqaysi jayliridiki Uyghurlar bu weqeni xatirilesh pa'aliyiti élip bérip mezkur weqede qaza qilghanlarni esliship ötidu. (Jüme)

Pikirler (0)
Share
Toluq bet