Ma'arip nazariti jiger yallughigha giripdar bolghan oqughuchilarni oqushtin heydigenlikini aqlidi


2006-11-06
Share

Uyghur aptonom rayoni ma'arip nazariti ürümchi sheherlik 15 - ottura mektepning toluqsiz ottura sinipidiki köp qisimi Uyghurlarni asas qilghan 19 neper jiger yallughi oqughuchisini öyige qaytuwetkenliki toghrisida söhbet élan qilip, mektep da'irilirining bu qararini aqlidi.

Ma'arip nazariti, "bashqa oqughuchilarning salametliki we bimar oqughuchilar a'ilisining ghemxorluqi we dawalishigha éhtiyaj bolghanliqi üchün a'ilisige qayturulghanliqini" bildürmekte. Bu weqe Uyghur aptonom rayonining ichi we sirtidiki intérnét we metbu'atlarda talash - tartish qozghap, ürümchi sheherlik ma'arip idarisi yash -ösmürlerning telim - terbiye élish hoquqigha dexli - teruz qilish we bikar oqughuchilarni kemsitish bilen eyiblen'gen idi.

Ürümchidiki qar leylisi eydiz yardem jem'iyiti ürümchi sheherlik ma'arip idarisini eyiblep sot mehkimisige erz sun'ghan bolsimu, lékin sot bu erzni qobul qilmighan we qar leylisi jem'iyiti pichetlen'gen.

Ma'arip nazariti, oqughuchilarning kemsitilgenlikini ret qilip, ularning yurtida qayta oqushqa orunlashturulghanliqini bildürmekte. Bu weqede axbarat orunlirini eyibligen ma'arip nazariti, "bezi metbu'atlar bu weqeni ashkare talash - tartish qilip, oqughuchilarning shexsi mexpiyetlikini ashkariliwetti," deydu. Lékin sheherlik ma'arip da'irilirini eyibligüchiler, shinjang tibb'iy uniwérsititidiki mutexessisler bu oqughuchilargha oquwerse bolidu, dep di'agnoz qoyghan bolsimu, lékin ma'arip idarisi buni inawetke almidi, dep eyibligen. Ma'arip nazariti, mutexessislerning 10 - öktebirde bu oqughuchilargha qayta di'anoz qoyghanliqini bildürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet