Dawager ata - anilar "jiger yallughigha giriptar oqughuchilar dawasida" saqchilarning bésimigha uchrighanliqini iqrar qildi


2006-11-10
Share

Ürümchi sheherlik ma'arip idarisi köp qisimi Uyghur balilarni asas qilghan 19 neper jiger yallughigha giriptar bolghuchi yash- ösmürni mekteptin qayturghanliqigha narazi bolup, sot mehkimisige erz qilghan ata - anilar saqchilarning bésimigha uchrawatqanliqini étirap qildi.

"Jenubiy junggo etigenlik pochta géziti" ning xewer qilishiche, sot mehkimisige erz sun'ghan ata - anilarning biri, yerlik da'irilerning dawagerlerge erzini qayturuwélish toghrisida bésim ishletkenlikini bildürgen. "Jenubiy junggo etigenlik pochta géziti," bir ata - anining " xizmet ornidin kéliwatqan bésim" sewebidin bu heqtiki su'allargha jawab bermeymen, dégenklikini yazdi. Mezkur gézitning eskertishiche, bir oqughuchining anisi " bu toghrisida söz qilmasliqqa agahlandurulghanliqini, yerlik saqchi organliri ata - anilar bilen körüshüp, dawadin waz kéchishni telep qilghanliqini bildürgen.

Ürümchi sheherlik ma'arip idarisi bu yil 9 - ayda sheherlik 15 - ottura mekteptiki 19 neper oqughuchini jiger yallughi, digen sewebi bilen a'ilisige qayturghan idi. Lékin 7 oqughuchining ata - anisi ürümchi sheherlik ma'arip idarisi üstidin tengritagh rayonluq sot mehkimisige dawa achqan. Dawagerlerning adwokati jang yüenchin, hazirghiche qanche ata - anining erzini qayturuwalghanliqidin xewersiz ikenlikini, chünki saqchilar uning dawagerler bilen uchrishishini chekligenlikini bildürgen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet