Dunya metbu'atliridiki Uyghurlar

Dunya metbu'atlirida yéqinqi bir nechche yillardin buyan Uyghurlar heqqidiki maqaliler köplep élan qilinip, Uyghurlarning kimliki, medeniyiti we nöwettiki weziyiti gherb ellirige tonushturuldi.

-23 Séntebir peyshenbe küni " bügünki amérika géziti" we roytéris axbarat agéntliqi Uyghurlar heqqide ikki parche maqale élan qilip, Uyghurlar bilen xitaylar arisidiki tengsizlik, irqchiliq, kemsitish we " térrorchiliqqa qarshi urush" nami astidiki Uyghur weziyiti qatarliq mezmunlarda toxtaldi.

" Bügünki amérika géziti" de élan qilin'ghan " Uyghur élide teng mewjut bolup turush tes boldi" dégen témidiki maqalining aptori, qeshqer we ürümchi qatarliq jaylardiki ziyaritini teswirlep kélip, " Uyghur élidiki kontrolluq nöwette tarixtiki eng yuqiri pellige yetti" dep yazghan.

Roytérs axbarat agéntliqimu Uyghur élidiki barawersizlikler heqqide toxtilip, " xitaylar ürümchide Uyghurlar bilen birge yashaydu-yu, emma barawer yashimaydu" dep körsetken.

Shundaqla her ikkila maqalida yene, xitayning térrorchiliqqa qarshi urushni bahane qilip, tinch yol bilen qarshiliqini ipadileshke urun'ghan Uyghurlarni basturup, hetta ularning medeniyet, diniy-étiqad we til -yéziqini kontrol qilip kelgenliki otturigha qoyulghan. ( Peride )