Uyghur ilide miyip balilarning az dégende 40 % i oqushsiz qéliwatidu


2008-01-25
Share

Uyghur ilide miyip balilarning oqushsiz qélish nisbiti xitaydiki her qaysi ölke - aptonom rayon we alahide sheherler ichide eng yuqiri bolup,oqush yéshidiki miyip balilarning az dégende 40 % i mektepke baralmaydiken. Uyghur aptonom rayoni ma'arip nazaritining partiye sékritari jaw déjungning aldinqi küni échilghan aptonom rayon ma'arip xizmet yighinida eskertishiche, nöwette Uyghur ilide oqush yéshidiki miyip ösmürlerning mektepke kirish nisbiti 59% bolup, az dégende 40 % ösmürning oqushsiz qéliwatqanliqi melum boldi.

Jaw déjung yene , bu nisbet xitayning memliketlik otturiche sewiyisidin töwen turidighanliqini tekitligen. Xitayning 2006 ‏- yildiki statistikisida shu yili Uyghur ilidiki 15 yashtin töwen miyip ösmürlerning sanini 35 ming 818 dep élan qilghan. Xewerlerge qarighanda , nöwette Uyghur ilidiki ürümchi, qaramay, ghulja, shixenze, chöchek, qeshqer we korlidin ibaret 7 sheherde miyiplar mektipi bolghandin sirt, qalghan sheherlerde miyiplar mektipi yoq iken. Shinxu'a agéntliqining eskertishiche, xitayning 9 yilliq mejburiy ma'arip qanuni yolgha qoyulghan'gha xéli yillar bolup qalghan bolsimu, lékin Uyghur aptonom rayoni da'iriliri miyip balilargha 9 yilliq mejburiy ma'arip tüzümini bu yildin bashlap yolgha qoyushni qarar qilghan.

Shinxu'a agéntliqining bu heqtiki xewiride da'irilerning 2008 ‏- yildin 2012 ‏- yilghiche Uyghur ilidiki miyip ösmürlerge qarita " alahide ma'arip tereqqiyat pilani " hazirlap, nopusi 30 mingdin ashidighan her bir nahiye we sheherde birdin miyiplar mektipi qurushni qarar qilghanliqini bildürdi. Közetküchilerning eskertishiche, Uyghurlardiki miyiplar mesilisi hazirgha qeder jem'iyet teripidin köngül bölüshke érishelmey kelgen jiddiy mesililerning biridur.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet