Xitay milliy ishlar tüpeyli meydan'gha kéliwatqan ziddiyetlerni bir terep qilish layihsi tüzüp chiqishni pilanlimaqta


2007-03-29
Share

Xitay dölet kabénti ishxanisining yéqinda élan qilghan "az sanliq millet ishliri, 11 ‏- besh yilliq pilani" da, milletler munasiwiti sistémisini bahalash, milliy toqunushlardin kélip chiqqan ziddiyet hadisilerni bir terep qilish we taqabil turush hemde milliy bölgünchilik pa'aliyetlirige qanun buyiche zerbe bérish qatarliqlarni otturigha qoyghan.

Xitay axbarat wastilirining bu heqte bergen xewerlirige asaslan'ghanda, mezkur doklatta asasiy qatlam kadirliri bolupmu yash ‏- ösmürlerni, milliy nezeriye siyaset hemde milliy qanun - nizam teshwiqatliri bilen yaxshi terbiyilesh, neshriyatchiliq, radi'o - téléwiziye we kinochiliq shuningdek intérnét uchur sahesige qaritilghan bashqurush xizmitini kücheytish, ammiwiy metbu'atlarning milliy ittipaqliqni ilgiri sürüshte oynaydighan teshwiqat rolini ashurush, milliy bölgünchilik heriketlirige qanun buyiche zerbe bérish, milliy ittipaqliqni himaye qilish, jem'iyet muqimliqi we dölet bixeterlikini qoghdash qatarliq xitay hökümiti endishe qilidighan muhim mesililer qeyt qilin'ghan.

"Az sanliq millet ishliri, 11 ‏- besh yilliq pilani" da yene, " teywendiki az sanliq milletler tetqiqatini kücheytish bilen medeniy ma'arip hemkarliqini tereqqi qildurush bolupmu ikki qirghaqtiki az sanliq milletler arisidiki chüshinish, dostluq we ittipaqliqni ilgiri sürüsh arqiliq döletning birlikini qolgha keltürüshke hesse qoshush" dégenler alahide tekitlen'gen.

Siyasiy analizchilar "az sanliq millet ishliri, 11 ‏- besh yilliq pilani" ning xitay hökümiti, nöwette endishe qiliwatqan bir qanche muhim mesililer tüpeyli meydan'gha kelgenlikini, bolupmu Uyghur milliy dawasining siyasiy rehbiri rabiye qadir xanimning, Uyghurlarning kishilik hoquqi üchün élip bériwatqan pa'aliyetlirining kündin - kün'ge küchiyishi shuningdek xitay hökümitining béshini aghritiwatqan "teywen" mesilisi qatarliqlar sewebidin meydan'gha kelgenlikini bildürmekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet