قىزىل مىڭئۆي ساياھەتچىلەر تەرىپىدىن بۇزغۇنچىلىققا ئۇچرىماقتا


2006.04.26
Share on WhatsApp
Share on WhatsApp

ئۇيغۇر ئېلىدىكى داڭلىق قىزىل مىڭئۆي نۆۋەتتە بىر قىسىم ساياھەتچىلەرنىڭ قالايمىقان خەت يېزىشى ۋە ئۆڭكۈر تاملىرىنى تۇتۇشى سەۋەبىدىن تۈرلۈك بۇزغۇنچىلىقلارغا دۇچ كەلمەكتە.

تەيۋەن مەركىزى ئاخبارات ئاگېتنلىقىنىڭ بېيجىڭ رادىئو تورىنىڭ خەۋىرىنى نەقىل كەلتۈرۈشىچە، قىزىل مىڭئۆينىڭ تاملىرىدىكى نەپىس قەدىمىي سۈرەتلەرگە قارايدىغان بولسىڭىز، بەزىلىرىدە كىشىلەرنىڭ بارماق ئىزلىرى ۋە يەنە بەزىلىرىدە بولسا، خىتايچە " پالانى كىشى بۇ يەرگە كېلىپ كەتكەن" دېگەندەك سۆزلەرنى ۋە تام سۈرەتلىرىنىڭ ئۈستىگە سىزىلغان ھەر خىل رەسىملەرنى كۆرىدىكەنسىز.

ساياھەتچىلەر تەرىپىدىن ئېلىپ بېرىلغان بۇ مەدەنىيەتسىز ھەرىكەتلەر نۆۋەتتە ئۇيغۇرلارنىڭ ئەجدادلىرى قالدۇرغان بۇ قىممەتلىك ئىزنالارغا ئېغىر بۇزغۇنچىلىق سالماقتا. ئىككى مىڭ يىلغا يېقىن تارىخقا ئىگە بۇ قىزىل مىڭئۆي ئاقسۇ ۋىلايىتىنىڭ باي ناھىيىسىگە جايلاشقان بولۇپ، ئۇ يەردىكى 236 ئېغىز ئۆيدە، ئۇيغۇرلارنىڭ بۇددا دىنىغا ئېتىقاد قىلغان ۋاقتىدىكى مەدەنىيىتى ئەكس ئەتتۈرۈلگەن تام سۈرەتلىرى ۋە ھەيكەللىرى ئورۇنلاشقان.

ھەر يىلى بۇ يەرگە خىتاينىڭ ھەر قايسى جايلىرىدىن ۋە چەتئەللەردىن نۇرغۇن ساياھەتچىلەر كېلىدۇ. شۇڭا بۇ قىزىل مىڭئۆي ھازىر جىددىي قوغدىلىشقا ئېھتىياج بولماقتا. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.