Уйғур елидики даңлиқ қизил миңөй нөвәттә бир қисим саяһәтчиләрниң қалаймиқан хәт йезиши вә өңкүр тамлирини тутуши сәвәбидин түрлүк бузғунчилиқларға дуч кәлмәктә.
Тәйвән мәркизи ахбарат агетнлиқиниң бейҗиң радио ториниң хәвирини нәқил кәлтүрүшичә, қизил миңөйниң тамлиридики нәпис қәдимий сүрәтләргә қарайдиған болсиңиз, бәзилиридә кишиләрниң бармақ излири вә йәнә бәзилиридә болса, хитайчә " палани киши бу йәргә келип кәткән" дегәндәк сөзләрни вә там сүрәтлириниң үстигә сизилған һәр хил рәсимләрни көридикәнсиз.
Саяһәтчиләр тәрипидин елип берилған бу мәдәнийәтсиз һәрикәтләр нөвәттә уйғурларниң әҗдадлири қалдурған бу қиммәтлик изналарға еғир бузғунчилиқ салмақта. Икки миң йилға йеқин тарихқа игә бу қизил миңөй ақсу вилайитиниң бай наһийисигә җайлашқан болуп, у йәрдики 236 еғиз өйдә, уйғурларниң будда диниға етиқад қилған вақтидики мәдәнийити әкс әттүрүлгән там сүрәтлири вә һәйкәллири орунлашқан.
Һәр йили бу йәргә хитайниң һәр қайси җайлиридин вә чәтәлләрдин нурғун саяһәтчиләр келиду. Шуңа бу қизил миңөй һазир җиддий қоғдилишқа еһтияҗ болмақта. (Пәридә)
Мунасивәтлик мақалилар
- Археологлар җуңғарийидин дәсләпки динизавурларниң ташқа айланған сөңикини байқиди
- Тәклимаканда буниңдин 2000 йил илгири овланған 98 түрлүк омуртқилиқ һайван тепилди
- Уйғур аптйоном районида дуня бойичә әң кичик будда ибадәтханиси тепилди
- Уйғурларниң мәдәний ядикарлиқлири чәтәлләрни җәлп қилмақта
- Уйғур елидә 1500 йил бурунқи үзүмзарлиқниң қәдими ядикарлиқи байқалди
- Хитай қарамайда тунҗи болуп синақ қиливатқан әқлий иқтидарлиқ чарлиғучи машина қандақ нәрсә?
- Норвегийәдә “шәрқий түркистан әркинлик лоңқисини талишиш” путбол мусабиқиси башланди
- Уйғур ирқий қирғинчилиқиниң өтмүши, бүгүни вә кәлгүсигә нәзәр
- Хәлқара диний әркинлик алий кеңишидә чақниған уйғур мәсилиси (нәзәр 74-сан)
- “2022-йиллиқ хәлқара диний әркинлик алий кеңиши” дә хитайниң чегра һалқиған зулуми шәрһләнди
