Qizil ming'öy sayahetchiler teripidin buzghunchiliqqa uchrimaqta


2006.04.26

Uyghur élidiki dangliq qizil ming'öy nöwette bir qisim sayahetchilerning qalaymiqan xet yézishi we öngkür tamlirini tutushi sewebidin türlük buzghunchiliqlargha duch kelmekte.

Teywen merkizi axbarat agétnliqining béyjing radi'o torining xewirini neqil keltürüshiche, qizil ming'öyning tamliridiki nepis qedimiy süretlerge qaraydighan bolsingiz, beziliride kishilerning barmaq izliri we yene beziliride bolsa, xitayche " palani kishi bu yerge kélip ketken" dégendek sözlerni we tam süretlirining üstige sizilghan her xil resimlerni köridikensiz.

Sayahetchiler teripidin élip bérilghan bu medeniyetsiz heriketler nöwette Uyghurlarning ejdadliri qaldurghan bu qimmetlik iznalargha éghir buzghunchiliq salmaqta. Ikki ming yilgha yéqin tarixqa ige bu qizil ming'öy aqsu wilayitining bay nahiyisige jaylashqan bolup, u yerdiki 236 éghiz öyde, Uyghurlarning budda dinigha étiqad qilghan waqtidiki medeniyiti eks ettürülgen tam süretliri we heykelliri orunlashqan.

Her yili bu yerge xitayning her qaysi jayliridin we chet'ellerdin nurghun sayahetchiler kélidu. Shunga bu qizil ming'öy hazir jiddiy qoghdilishqa éhtiyaj bolmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.