Uyghur élining jenubidiki bir qisim rayonlarda möldür yéghip ketti


2005-05-20
Share

Sün'iy yamghur yaghdurush we hawa kélimati tuyuqsiz töwenlep kétish sewebidin, yéqinda Uyghur élining jenubidiki 9 nahiye, sheherde qattiq möldür yéghip ketken.

Uyghur aptonom rayonluq xelq radi'o istansisining melum qilishiche, möldür yéghish ehwali asasliqi, toqsu, bay, üchturpan we maralbéshi qatarliq jaylarda bir qeder éghir bolghan.

Shundaqla qattiq yamghur arilash yaghqan möldür sewebidin, bu rayonlarda emdila maysa chiqarghan paxta qatarliq déhqanchiliq mehsulatliri éghir ziyan'gha uchrighan. Texminiy mölcherge qarighanda, hazirghiche ziyan'gha uchrighan zira'et meydani 200 ming mogha yetken.

Möldür apiti eng éghir bolghan jay awat nahiyisi bolup, hetta eng yoghan yaghqan möldürning di'amétiri 2 santimétir bolghan. Shundaqla, möldür ötkendin kéyin, pütün nahiye boyiche 350 tuyaqtin köp qoy tonglap ölgen hemde texminen 85 ming mo kéwezlik weyran bolghan. Hazir bu yerdiki iqtisadiy ziyanning 43 milyon yu'en'ge yétidighanliqi mölcherlenmekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet