Uyghurlarning nopus, bayliq we muhit weziyiti xeterlik


2005.01.20
Share on WhatsApp
Share on WhatsApp

Ürümchidiki hökümet radi'osining tor bétide élan qilinishiche, 19 - yanwar küni échilghan nopus, bayliq we muhit xizmiti söhbet yighinida xitayning Uyghur élidiki partkom bash sékritari wang léchu'en "aptonom rayonimizning nopus, bayliq we muhit xizmiti keskin xirisqa duch kelmekte . Aptonom rayonimizning nopus , bayliq we muhit weziyiti taza köngöldikidek emes", dégen .

Wang sözide yene yighin'gha qatnashqan yuqiri derijilik emeldarlirigha nopusning köpiyishini dawamliq kontrol qilish bilen pilanliq tughut xizmitini heqiqi ching tutup yaxshi ishlesh lazimliqini tekitligen .

Bu uning yéqinqi yillardin buyan tunji qétim bu sahelerdiki saqliniwatqan mesililerni étirap qilishi bolup hésablinidu .

Uyghur élidiki xitay radi'osi mezkur yighin harpisida bergen xewiride wangning sözige qarshi halda "nopusni kontrol qilish xizmiti körünerlik netijige érishti . 25 Yildin buyan aptonom rayonimizda 2 milyon 800 ming adem az tughulup 60 nechche milyard yu'en téjep qilindi" dep melumat bergen idi.

Xelq'aradiki kishilik hoquq teshkilatliri Uyghurlarning mejburi halda tughut pilanlirigha zorliniwatqanliqi, bayliqliridin behriman bolalmaywatqanliqi hemde muhitining éghir derijide bulghiniwatqanliqi heqqide mexsus doklatlar teyyarlap élan qilmaqta . (Iltebir )

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.