Уйғур аптоном районлуқ вәкилләр хәлқ қурултийида муһит мәсилисини оттуриға қойиду


2005.03.04
Share on WhatsApp
Share on WhatsApp

Хитай хәлқ қурултийиниң шәнбә күни башлинидиған мәмликәтлик йиғиниға қатнишидиған бәзи вәкилләр, уйғур аптоном райониниң муһит мәсилисини, қурултайниң музакирә күнтәртипигә киргүзүшни тәләп қилидикән.

Хитай мәтбуатлириниң хәвәр қилишичә, хитай хәлқ қурултийиниң вәкили, җуғрапийишунас ли җиҗоң, уйғур аптоном районида тупрақниң қумлишиш мәсилиси интайин еғирлиқини әскәртип, муһим қоғдашни кадирларниң хизмәт төһписини баһалайдиған өлчәм қилишни тәләп қилған. Ли җиҗоңниң ашкарилишичә, җиң наһийисидә пойиз истансисиниң йенидики искилатниң теми 10 йил ичидә қум астида қалған шундақла хотән дәрясиниң вадисидики иптидаий тоғрақлиқниң ٪80 кесиветилгән.

Нопусни контрол қилмиғанда екелогийилик муһитниң еғир тәсиргә учрайдиғанлиқини агаһландурған ли җиҗоң, "шинҗаңда йәр - зимин кәң адәм азлиқини тәкитләп, яшашқа болидиған җайларниң азлиқини унтуп қалмаслиқ керәк," дәп көрсәткән.

Шинхуа ахбарат агентлиқиниң хәвәр қилишичә, уйғур аптоном райони нопуси йилда ٪ 17 әтрапида көпәймәктикән. Анализчилар, уйғурлар нопусиниң йиллиқ тәбий көпийиш нисбити ٪ 3 гә йәтмәйдиғанлиқиини билдүрмәктә. Уларниң көрситишичә, ٪ 17 көпийиш районға келип олтурақлишиватқан көчмәнләр нупусидики артишни асас қилған. Һөкүмәт истатистикилири бойичә, райондики хитай нопусиниң 1950 - йилдики сани омуми нопусниң ٪ 6 ни игиләйтти. Һазир райондики хитай нопуси ٪ 47 гә чиққан. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.