Уйғур аптоном районида муһит мәсилиси йилдин йилға еғирлашмақтикән


2005.06.06
Share on WhatsApp
Share on WhatsApp

Уйғур аптоном районлуқ муһит қоғдаш идариси, "аптоном районниң 2004 - йиллиқ муһит әһвали" тоғрисида доклат елан қилип, районниң муһит вәзийитидики чекиниш әһвалида яхшинилиш болмиғанлиқини елан қилди.

Муһит қоғдаш идарисиниң доклатида көрситишичә, аптоном райондики яйлақларниң 85 ٪ дин көпирәки һалсизланған болуп, буниң ичидики 37 ٪ яйлақниң һалсираш дәриҗиси еғир икән.

2004 -Йилда аптоном райондики 16 шәһәрниң һаваси давамлиқ булғанған. Болупму буниң ичидики 7 шәһәрниң һаваси дөләтниң бәлгилимисидики 3 - дәриҗилик өлчәмгә йәтмәйдикән. Шәһәр һавасиниң сүпити 2004 - йили алдинқи йилға қариғанда давамлиқ начарлашқан болуп, қум йеғиш, қум боран чиқиш сани алдинқи йилға қариғанда көпәйгән, тәсир қилиш даириси кеңәйгән.

Уйғур аптоном райони хитай бойичә муһит булғиниш әһвали әң еғир районларниң бири болуп һесаблиниду. Хитай мәтбуатлириниң хәвәр қилишичә, хитайниң ғәрбидики уйғур аптоном райони қатарлиқ 10 өлкә вә районда, һәр йили муһит бузғунчилиқи сәвәбидин келип чиқидиған иқтисади зиян 18 милярд долларға йетидикән. Бу өлкә вә аптоном районлар санши, гәнсу, чиңхәй, ниңшя, сичүән, йүннән, гуйҗу, уйғур аптоном райони вә тибәтләрни өз ичигә алған болуп, уйғур аптоном райони хитайниң ғәрбни ечиш истратегийилик пиланидики һәл қилғуч район иди.

Мутәхәссисләр, районда муһитниң булғунишиға көчмәнләр вә тәбиәтни пилансиз ечиш қатарлиқлар сәвәп болмақта, дәп көрсәткән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.