Тәңритағ муз тағлиридин инсанларниң атмосферани булғиғанлиқ испатлири тепилди

Мутәхәссисләр тәңритағдики муз тағ қатлимидин инсанларниң атмосферани булғиғанлиқиға аит испатларни байқиди. Бу нәтиҗә, инсанлар олтурақлашмиған йирақ җайларниңму булғунушқа учриғанлиқидин дерәк бериду.

Хитай хәвәр агентлиқиниң мәлум қилишичә, мутәхәсисисләр тәңритағдики 1‏-номурлуқ муз тағниң 1955‏- йилдин 1998‏- йилиғичә шәкилләнгән муз қатлимида тәкшүрүш елип берип, униңдин инсанлар кәлтүрүп чиқарған булғинишларни байқиған. Нәтиҗидә тәңритағ атмосферасиниңму аллиқачан булғинип болғанлиқи испатланған.

Бу тәкшүрүшни елип барған хитай пәнләр акадимийисиниң муһит гео-химийиси дөләтлик нуқтилиқ тәҗрибиханисиниң мутәхәссиси ли шинчиң доклатида, тәңритағниң 1‏-номурлуқ муз теғида хатириләнгән булғанған мадда тәркивиниң асаслиқи,үрүмчи шәһириниң әтрапиға җайлашқан шәһәр-кәнтләрдики кишиләр кәлтүрүп чиқарған атмосфера булғинишидин келип чиққанлиқини оттуриға қойған. Муз тағлар атмосферадики булғиниш тәркивини хатириләп қалидиған алаһидиликкә игә.

Мутәхәссис ли шинчиң, тәңритағлиридики атмосфера қатлиминиң булғинишиниң мутәхәссисләр алаһидә көңүл бөлүшкә тегишлик бир әһвал икәнликини тәкитлиди. (Пәридә)