Хитай үрүмчи муһити булғанған пәйттә бултурқидин үч һәссә көп салйотни базарға салди


2007.01.14
Share on WhatsApp
Share on WhatsApp

Алдинқи бир нәччә күндә үрүмчиниң һава булғиниши алаһидә еғир болған болуп, хитайдики оттура типтики шәһәрләр ичидә һава булғиниши әң еғир шәһәр болған. Бу хил әһвал давамлиқ көрүлүп турмақта.

Гәрчә мутәхәссисләр үрүмчи һава муһитиниң булғунишидики асаслиқ сәвәбниң шәһәрниң нопус сиғимчанлиқниң һәддидин зиядә зичлиқи һәмдә қиш күнидә үрүмчи аһалисиниң көмүрни асаслиқ йеқилғу қилғанлиқи вә йәнә аптомобилларниң көпийиши қатарлиқ сәвәбләрни көрситип кәлгән болсиму әмма тәңритағ торида үрүмчи даирлири үрүмчиниң һавасини булғаватқан асаслиқ амил кавапчиларниң кавап пишурушқа көмүрни йеқилғу қиливатқанлиқи дәп көрсәтти.

Әмма уйғур кавапчи тиҗарәтчиләрдин игилишимизгә қариғанда нөвәттә кавапчилар каваплириниң базар тепиши һәмдә муһитни булғимаслиқ үчүн отунда кавап пишуруп келиватқан болуп, уйғурлар даириләрниң һава булғунишниму чәклик сандики кавап тиҗарәтчилиригә дөңгигәнликиниң һечкимни қайил қилалмайдиған әхмиқанилиқ икәнликини билдүрмәктә.

Хитай даирлири үрүмчи һава муһитиниң еғир булғанғанлиқини тәкитләш билән бир вақитта мәнтиқә җәһәттин зиддийәтлик һалда, бу йил хитайниң чаған байрамға үлгәртип бултурқиға қариғанда төт йүз хилдин артуқ салийотни көпәйтип базарға салғанлиқини һәр қайси хәвәр тор бәтлиридә хәвәр қилди. Шундақла үрүмчидә бу йил бултурқиға қариғанда үч һәссә көп салйот сетилидикән.

Әмәлийәттә салйот етиш һавани әң қаттиқ булғуғучи боюм болуп, хитайниң нурғун шәһәрлиридә бир қанчә йил илгирила салйот етишқа чәк қойған һәтта бәзи шәһәрләр пүтүнләй чәклигән. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.