Muqam, b d t ning insanlar arisida aghzaki saqliniwatqan medeniyet bayliqliri tizimlikige kirgüzüshke sunuldi

Uyghurlarning qedimiy medeniyet we sen'et mirasi bolghan 12 muqami birleshken döletler teshkilati ma'arip, ilim-pen we medeniyet komitétining 2004 - yilliq insanlar arisida aghzaki saqliniwatqan medeniyet bayliqliri tizimlikige kirgüzüshke sunuldi, shundaqla buning netijisi kéler yili 7 -ayda élan qilinidiken.

Xitay shinxu'a agéntliqining melum qilishiche, bu xitayning 12 muqamni b d t tizimlikige tunji qétim sunishi bolup, buning aldida xitay kunchu opérasi we guchin yeni qalun dep atalghan yette tarliq chalghu eswabini mezkür tizimlikke kirgüzgen idi.

Naxsha-usul we muzika zich birleshtürülgen 12 muqam sen'itining qachan bashlan'ghanliqi toghrisida éniq xatire bolmisimu, lékin köp qisim tetqiqatchilar uning ipek yoli sherq bilen gherp medeniyitini baghlighan mezgilde barliqqa kelgenlikini ilgiri sürmekte.

B d t ma'arip, ilim-pen we medeniyet komitétining medeniyet mirasi, insanlar arisida aghzaki saqliniwatqan medeniyet bayliqliri, medeniyet tarqatquchi hayat bayliq, xeter astidiki til we dunyadiki qedimiy muzikilar dep 4 chong türdin teshkil qilghan bolup, b d t bu tizimlikke kirgüzülgen shexs yaki medeniyet-sen'et bayliqlirini qoghdash we uni dawamliq saqlap qélish üchün xizmet qilidiken. (Peride)