Муқам варислирини тәрбийиләш мәркәзлири ечилмақчи


2005-03-29
Share

Уйғурларниң қәдими мәдәнийәт вә сәнәт мираси болған 12 муқамни қоғдаш вә униң варислирини тәрбийиләш үчүн, бу йил қәшқәр, ғулҗа, ақсу вә хотән қатарлиқ җайларда муқам сәнити варислирини тәрбийиләш мәркизи қурулмақчи.

Хитайниң шинхуа агентлиқиниң хәвиридин ашкарилинишичә, муқам сәнитини қоғдаш ишлирида нөвәттә варисларниң аз болиши, тәрбийиләш сорунлириниң кәм болиши, шундақла омумлишиш даирисиниң тар болиши қатарлиқ мәсилиләр мәвҗут икән.

Хәвәрдә ейтилишичә, муқам сәнити варислирини тәрбийиләш мәркәзлириниң асаслиқ вәзиписи йәрлик орунларда йитәрлик муқамчиларни тәрбийиләп, бир вә яки бир қанчә муқамни мукәммәл орунлиялайдиған сәвийигә йәткүзүшни мәқсәт қилидикән. Һәр қайси мәркәзләрдә пешқәдәм муқам устазлири ағзаки вә язма тәлим бериш усулини бирләштүрүп яш муқамчиларни тәрбийиләйдикән.

Нахша- усул вә музика зич бирләштүрүлгән 12 муқам сәнити уйғурларниң турмушини әкс әттүридиған енисклопедийә вә тирик мәдәний ядикарлиқ дәп қарилип кәлмәктә.

12 Муқам сәнити өткән йили бирләшкән дөләтләр тәшкилати маарип, илим- пән вә мәдәнийәт комитетиниң инсанлар арисида ағзаки сақилиниватқан мәдәнийәт байлиқлири тизимликигә сунулған иди. Әгәр у бу йил 7 - айда тәстиқланса, б д т уни қоғдаш вә давамлиқ сақлап қелиш үчүн мәхсус мәбләғ аҗритиду. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт