Uyghur 12 muqami b d t ning medeniy miraslar tizimlikige kirgüzüldi


2005.11.27

Birleshken döletler teshkilatining ma'arip, pen-téxnika we medeniyet teshkilati 25 -noyabir küni parizhdiki bash shitabida "insanlarning aghzaki we gheyri maddiy mirasliri" tizimlikige yéngidin qobul qilin'ghan 3-türküm eserlerni élan qildi. Bu tizimlikke Uyghurlarning en'eniwi sen'et mirasliridin bolghan "12 muqam" mu kirgüzüldi.

"Uyghur 12 muqami" naxsha-usul we muzika birleshken uniwérsal sen'et sheklini alghan bolup, "12 muqam" ning muzika ipadiliri hetta ottura asiya, jenubiy asiya, gherbiy asiya we shimaliy afriqidiki 19 dölet we rayonlarghiche taralghan.

B d t ma'arip, pen-téxnika we medeniyet teshkilati 1998 -yili mezkur " insanlarning aghzaki we gheyri maddiy mirasliri" türini tesis qilghan bolup, bu asasliqi insanlarning maddiy bolmighan medeniy miraslirini qoghdashni meqset qilidu. Buninggha insanlarning eng qimmetlik, yoqulush aldida turghan hemde uni 10 yilning ichide qutulduruwélish pilanigha élinidighan aghzaki we gheyri maddiy mirasliri kirgüzülidu.

Mezkur tizimlikke "Uyghur 12 muqami"din bashqa yene, dunyaning her qaysi jayliridiki aghzaki medeniy miraslardin 42 si kirgüzülgen bolup, mongghullarning uzun pedilik xelq naxshisimu buningdin orun alghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.