Түркийидә "хитай мәдәнйәт һәптилики" давамлашмақта


2006.11.23

Хитай мәдәнийәт һәптилики паалийити мунасивити билән көрситиливатқан 12 муқам сәнити 22 ‏- ноябир күни кәчтә, түркийиниң пайтәхти әнқәрәдә тамашибинлар билән учрашти.

Хитай мәдәнийәт министирлиқиниң баш болуп уюштуруши билән бир һәптидин буян түркийиниң истанбул вә измир қатарлиқ шәһәрлиридә "хитай мәдәнийәт һәптиси" өткүзүлгән болуп, хитай бу мунасивәт билән уйғур 12 муқамини хитай мәдәнийитиниң намайәндиси қилип көрсәткән.

Буниңға қаттиқ наразилиқ билдүргән чәтәлләрдики уйғурлар, 12 муқамниң хитай мәдәнийити билән һечқандақ мунасивити йоқлуқини, хитай һөкүмити өзлириниң уйғурларға қаратқан сияситини ақлаш үчүн, һә десә уйғур сәнитини дәсмайә қилип, хәлқараниң көзини буяп, уйғурларға көңүл бөлүватқан болувелип, уларниң мәдәнийитини тәрәққи қилдуруп вә сақлашта алаһидә күч чиқириватқанлиқини тәшвиқ қиливатиду дейишмәктә.

Охшашла түрк тамашабинлириму, уйғур 12 муқамини көрүп, көп һузурланғанлиқини шуниңдәк 12 муқамни аңлап, униң мисралирини тамамән чүшәнгәнликини , димәк 12 муқам сәнитиниң хитай мәдәнийити билән тамамән пәрқлиқ болған түрк мәдәнийити икәнликини билдүргән.

12 Муқам уйғур тарихидики надир сәнәт илаһи сүпитидә дуняға мәшһур. Бирләшкән дөләтләр тәшкилати 12 муқамни хәлқарада қоғдилидиған ағзаки мәдәнийәт мираслири қатариға киргүзгән иди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.