Türkiyide "xitay medenyet heptiliki" dawamlashmaqta
2006.11.23
Xitay medeniyet heptiliki pa'aliyiti munasiwiti bilen körsitiliwatqan 12 muqam sen'iti 22 - noyabir küni kechte, türkiyining paytexti enqerede tamashibinlar bilen uchrashti.
Xitay medeniyet ministirliqining bash bolup uyushturushi bilen bir heptidin buyan türkiyining istanbul we izmir qatarliq sheherliride "xitay medeniyet heptisi" ötküzülgen bolup, xitay bu munasiwet bilen Uyghur 12 muqamini xitay medeniyitining namayendisi qilip körsetken.
Buninggha qattiq naraziliq bildürgen chet'ellerdiki Uyghurlar, 12 muqamning xitay medeniyiti bilen héchqandaq munasiwiti yoqluqini, xitay hökümiti özlirining Uyghurlargha qaratqan siyasitini aqlash üchün, he dése Uyghur sen'itini desmaye qilip, xelq'araning közini buyap, Uyghurlargha köngül bölüwatqan boluwélip, ularning medeniyitini tereqqi qildurup we saqlashta alahide küch chiqiriwatqanliqini teshwiq qiliwatidu déyishmekte.
Oxshashla türk tamashabinlirimu, Uyghur 12 muqamini körüp, köp huzurlan'ghanliqini shuningdek 12 muqamni anglap, uning misralirini tamamen chüshen'genlikini , dimek 12 muqam sen'itining xitay medeniyiti bilen tamamen perqliq bolghan türk medeniyiti ikenlikini bildürgen.
12 Muqam Uyghur tarixidiki nadir sen'et ilahi süpitide dunyagha meshhur. Birleshken döletler teshkilati 12 muqamni xelq'arada qoghdilidighan aghzaki medeniyet mirasliri qatarigha kirgüzgen idi. (Eqide)
Munasiwetlik maqalilar
- Uyghur 12 muqam ansambili türkiyining paytexti enqerede
- Türkiye medeniyet we sayahet ministiri atilla koch Uyghurlarni qobul qildi
- Muqam tetqiqatidiki yéngi yüzlinish
- Dolan muqami dewrimizge kelgende néme üchün yoqap kétish girdabigha kélip qaldi?
- Dolan muqamlirining saqlinishida warislar kemchil bolmaqta