Turpan muqami tetqiqati bashlandi


2007.03.25

Xitayning shinxu'a agéntliqining uchuridin qarighanda, turpan muqami tetqiqat layihisi xitay döletlik milliy medeniyet tetqiqat pilanigha kirgüzülgen bolup, shinjang ijtima'iy penler akadémiyisi, shinjang sen'et tetqiqat institutining 11 neper mutexessisi mezkur tetqiqat layihisini zimmisige alghan .

Mezkur alimlar turpan muqamini pelsepe, tepekkür, éstétika, muzika, usul, tékist hem qapiye qatarliq köp tereplerdin tetqiq qilishni pilanlighan iken. Mezkur tetqiqat pilanining waqti ikki yil bolup, Uyghur aptonom rayon we xitay merkizi hökümiti meblegh bilen teminleydiken.

Nöwette, yene turpanda xitay boyiche tunji "muqam warisliri merkizi" qurulup, muqam warisliri terbiyilesh kursi échilghan. Turpan muqami Uyghur 12 muqamining bir yerlik tarmiqidin ibarettur.

Muqam asiya elliridiki bir qisim xelqler arisigha tarqalghan özgiche bir yürüsh naxsha-muzika bolup, Uyghur muqamlirimu özgiche alahidiliklerge igidur.

Ötken yili ürümchide xelq'araliq muqam yighini échilghan bolup, xitay alimliri muqamshunasliq ilmini tesis qilishni otturigha qoyghan. Xitay hökümiti Uyghur muqamliri jümlidin xelq'araliq muqam tetqiqatida üstünlükni igilesh üchün belgilik meblegh ajratmaqta we muqam tetqiqatigha ehmiyet bermekte. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.