Uyghur muqam ömiki hazir yaponiyide


2007.04.11

Uyghur muqam ömiki xitayning bash minisitiri wén jyabaw yaponiyini ziyaret qilishqa bashlighandin kéyin, yaponiye sehniliride maharet körsitishke bashlighan.

Birleshken döletler teshkilati teripidin qoghdilidighan 'insaniyetning éghiz edebiyat-sen'et mirasliri' ning biri bolghan 'Uyghur muqami', 'shinjang xewer tori'ning teswirlishiche, bu qétim wén jyabawning yaponiyini ziyaret qilip, xitay bilen yaponiye munasiwitidiki 'muzni éritish' üchün élip kelgen medeniyet sowghilirining biri iken. Wén jyabawning yaponiyige élip barghan sowghiliri ichide yene mongghul neghmiliri, guyjudiki tong millitining neghmiliri qatarliq ammiwiy sen'et türlirimu bar.

Xewerde teswirlinishiche, güzel naxsha bilen shox usul birleshtürülgen Uyghur muqami yaponiye sehniliride körermenlerni özige mehliya qilghan. Buningdin burun xitay kommunistik partiye merkizi kométiti siyasiy byurosining ezasi, Uyghur aptonom rayonluq partkom sékritari wang léchu'en Uyghur muqamigha 'jonggo Uyghur muqami' dep nam bergen bolsimu, emma bu qétim yaponiyige kelgen 16 kishilik Uyghur muqam ömikining bashliqi wang wéymin Uyghur muqamini 'shinjang Uyghur muqami' dep tonushurghan. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.