Xitay hökümiti Uyghur élining ma'arip sahesidiki muqimliqidin endishe tuymaqta


2004-10-14
Share

Xitay hökümiti ma'arip sahesidiki muqimliq terbiyisini kücheytishni pütün Uyghur élidiki muqimliqni saqlashning asasi dep tonup, ma'arip sahesidiki muqimliq xizmitini ching tutmaqta.

Xitay axbaratlirining melumatlirigha qarighanda, xitay hökümiti ma'arip sahesidiki muqimliq terbiyisini kücheytish üchün, Uyghur élidiki her derijilik ma'arip idarilirining bashliqliri we partkom sékritarlirini yighip siyasiy terbiye kursi achqan.

Seyshenbe küni ötküzülgen oqush bashlash murasimida, Uyghur aptunum rayunluq partkomning mu'awin sékritari nurbekri :"ma'arip sahesining muqimliqi, pütün shinjangning muqimliqi bilen munasiwetlik, shonga milliy bölgünchilikke qarshi, singip kirishke qarshi turushni eng muhim xizmet dep ishlesh kérek"ـ digen.

U yene 320 minggha yéqin ziyalining ma'arip sépide xizmet qiliwatqanliqini bildürüp, bu ziyalilar sépining "üch xil küchler" ge qarshi turush éngini kücheytishning Uyghur élidiki siyasiy muqimliqni saqlashning asasi ikenlikini körsetken.

Nurbekrining ma'arip sahesidiki muqimliqni tekitlishi, xitay da'irilirining milliy ma'arip saheside, ma'aripni xitaychilashturush siyasitige qarshi keypiyatlarning küchiyiwatqanliqini tuyiwatqanliqining bishariti dep qaralmaqta.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet