Хитай йәрлик һөкүмәтләрни һошярлиқни өстүрүп муқимлиқни қоғдашқа чақирди


2007-03-20
Share

Ройтерс агентлиқиниң 20 ‏-март бейҗиңдин бәргән хәвиридин мәлум болушичә, хитай җамаәт хәвпсизлик министирлиқиниң министири йәрлик һөкүмәтләрни чәтәл дүшмән күчләргә, дини әсәбийчиләргә вә террорчиларға қаттиқ зәрбә беришни техиму күчәйтип "топилаң" ларниң алдини елиш вә азайтишқа үндиди.

Хитай мәркизи телевизийә истансисиниң торбитидә хитай министири җу юңкаңниң нутуқидин нәқил кәлтурушичә, бу һәрикәт инақлиқни вә иҗтимаий муқимлиқини қоғдаш үчүн икән.

Җу юңкаң мундақ дегән: " биз чоқум чәтәлдики дүшмән күчләрниң, миллий бөлгүнчи, диний әсәбийчи, террорчи вә бидәт фалуңгуңчиларниң йошурун һәрикәтлирини йеқиндин көзитип вә қаттиқ зәрбә беришимиз керәк".

Ройтерс мухбириниң қаришичә,хитай йүргәзмәкчи болған бу һәрикәт, уйғур елидики вә чәтәлләрдики мустәқилчи уйғурларни, тибәтниң роһани даһийси далай ламани вә тәйвәнниң мустәқилчи президенти чен шүйбнйәнниму өз ичигә алидикән.

Җу юңкаң йәнә мундақ дегән: " сақчилар чоқум охшимайдиған гуруппилар арисидики маҗраларға тақабил туруши кирәк вә топилаңларниң алдини елиш вә азайтиш кирәк " .

Йеқиндин бири хитайдики йеза-қишлақларда киримидики охшимаслиқ түпәйли бай-кәмбәғәллик пәрқи һәссиләп өрлиди, бу хил пәрқ намайиш вә топилаңлар көпийишигә сәвәб болған.

Хитай җәмийитидә күнсайин өрләватқан тапавәттики пәрқни азайтиш 750 милйон намрат деһқанниң турмуш сүпитини өстүрүш хитай һөкүмити йүзлиниватқан негизлик мәсилиләрниң бири икән . (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт