Xitay yerlik hökümetlerni hoshyarliqni östürüp muqimliqni qoghdashqa chaqirdi

Roytérs agéntliqining 20 ‏-mart béyjingdin bergen xewiridin melum bolushiche, xitay jama'et xewpsizlik ministirliqining ministiri yerlik hökümetlerni chet'el düshmen küchlerge, dini esebiychilerge we térrorchilargha qattiq zerbe bérishni téximu kücheytip "topilang" larning aldini élish we azaytishqa ündidi.

Xitay merkizi téléwiziye istansisining torbitide xitay ministiri ju yungkangning nutuqidin neqil kelturushiche, bu heriket inaqliqni we ijtima'iy muqimliqini qoghdash üchün iken.

Ju yungkang mundaq dégen: " biz choqum chet'eldiki düshmen küchlerning, milliy bölgünchi, diniy esebiychi, térrorchi we bid'et falunggungchilarning yoshurun heriketlirini yéqindin közitip we qattiq zerbe bérishimiz kérek".

Roytérs muxbirining qarishiche,xitay yürgezmekchi bolghan bu heriket, Uyghur élidiki we chet'ellerdiki musteqilchi Uyghurlarni, tibetning rohani dahiysi dalay lamani we teywenning musteqilchi prézidénti chén shüybnyennimu öz ichige alidiken.

Ju yungkang yene mundaq dégen: " saqchilar choqum oxshimaydighan guruppilar arisidiki majralargha taqabil turushi kirek we topilanglarning aldini élish we azaytish kirek " .

Yéqindin biri xitaydiki yéza-qishlaqlarda kirimidiki oxshimasliq tüpeyli bay-kembeghellik perqi hessilep örlidi, bu xil perq namayish we topilanglar köpiyishige seweb bolghan.

Xitay jem'iyitide künsayin örlewatqan tapawettiki perqni azaytish 750 milyon namrat déhqanning turmush süpitini östürüsh xitay hökümiti yüzliniwatqan négizlik mesililerning biri iken . (Jüme)