Nur bekri : siyasiy muqimliqini qoghdashni kücheytish kérek


2008.01.15

Xitay hökümitining Uyghur aptonom rayonluq 11 ‏- nöwetlik xelq qurultiyi 1 ‏- yighini 15 ‏- yanwar küni ürümchide ötküzülgen. Uyghur ilining jenubi we shimalidin kelgen 500 din artuq hökümet belgiligen qurultay wekilliri mezkür yighin'gha qatnashqan bolup, mezkür qurultayda süz qilghan Uyghur aptonom rayonluq partkomning mu'awin sékritari, aptonom rayonning muweqqet re'isi nur bekri" tarqaq hej pa'aliyitini bashqurushni kücheytish, muqimliqni kücheytish, üch xil küchlerge qattiq zerbe bérish" ni alahide tekitlep, " qosh tilliq ma'arip " oqutushini téximu keng qanat yaydurush, xitay ölkiliridiki toluq ottura siniplirini izchil köpeytish, yézilardiki emgek küchlirini yötkesh xizmitini téximu zor kölemde izchillashturush qatarliq mesililerni otturigha qoydi.

Bu qétimqi qurultayda nur bekri tilgha alghan mesililer, del Uyghurlarning siyasiy, diniy we medeniyet hoquqini qolgha keltürüsh üchün pa'aliyet élip bériwatqan Uyghur teshkilatliri qarshiliq bildürüwatqan nazuk mesililer bolup, dunya Uyghur qurultiyining bayanatchisi dilshat réshit bu heqte mundaq deydu": nur bekrining tarqaq hej qilish pa'aliyitini bashqurmaqchi bolghanliqi, del Uyghurlarning diniy erkinlikke ige bolalmaywatqanliqining ipadisi, "muqimliqni kücheytish, üch xil küchlerge qattiq zerbe bérish" shu'ari, Uyghurlargha qalpaq kiydürüp , ularni qarilap basturush , " qosh tilliq ma'arip" oqutushi Uyghurlarning tilini ma'aripini we medenyitini yoq qilish meqsitini ashkarilashtin bashqa nerse emes " .

Xitay da'irilirining Uyghur ilidiki weziyetttin qattiq endishe hés qiliwatqanliqini tekitligen dilshat rishit " xitay hökümiti özi endishilen'gen mesililerni eng köp tekitleydu, nur bekri tilgha alghan mesililer izchil otturigha qoyulup kéliwatqan we xitay hökümitining menpe'etige biwaste munasiwetlik halqiliq nuqtilar hésablinidu, biraq xelq'ara jama'etchilik ular tilgha éliwatqan bu mesililerni bir millet üstidin élip bériliwatqan itnik qirghinchiliq dep qaraydu, shunga xitayning zorawanliq siyasiti uzun bolmighan müddette bitchit bolidu " dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.