Ju yünkang Uyghur éli ziyaritide muqimliqning muhimliqini tekitlidi


2008.01.28
Share on WhatsApp
Share on WhatsApp

Hazir Uyghur élide ziyarette boluwatqan xitay merkizi komitéti siyasiy byurosining ezasi ju yünkang, Uyghur élide turushluq xitay hökümiti xadimlirigha, bölgünchilik, singip kirish we aghdurmichiliq heriketlirige nisbeten intayin hushyar bolush toghrisida agahlandurush berdi.

Shinxu'a agéntliqida körsitilishiche, Uyghur aptonom rayonning muqimliqning intayin muhim ikenlikini tekitligen ju yünkang bixeterlik xizmitini yenimu kücheytip mezkur rayonning uzun muddetlik muqimliqini qolgha keltürüshte yerlik hökümet xadimlirining téximu köp xizmetlerni ishlishi lazimliqini otturigha qoyghan.

Ju yünkang Uyghur ilidiki ziyariti jeryanida otturigha qoyghan mesililer ichide alahide diqqetni tartidighan bir terep, uning Uyghur élide millet tewelikining qandaq bolushidin qet'iy nezer, Uyghur ilidiki hemme ademlerge turalghu öy, salametlik sughurtisi, ma'arip, xizmetke orunlashturush we eng töwen turmush puli qatarliqlarda barawer mu'amile qilish we bu mesililerni yaxshi bir terep qilish kéreklikini otturigha qoyghanliqidur.

Bu heqte inkas qayturghan dunya Uyghur qurultiyi bayanatchisi dilshat rishit: "bu Uyghur élide xizmetke orunlishish, turalghu öylerni teqsim qilish we bashqa menpetlerdin ortaq behriman bolush jehetlerde, Uyghur qatarliq xitay bolmighan bashqa milletlerning chetke qéqiliwatqanliqidin ibaret Uyghur élide mewjut mesililerni bir xitay rehbirining ten élishi bolup hésablinidu" dédi.

U yene, meyli qaysi derijilik xitay rehbirining Uyghur ilidiki tengsizliklerni ten élishidin qet'iy nezer, Uyghur élide chongqur yiltiz tartqan bu xil adaletsizliklerning asan hel bolmaydighanliqini körsetti. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet