Мурат насирофқа беғишланған нахша кечилики өткүзүлди

28-Феврал күни қазақистанниң кона пайтәхти алмута шәһиридики җумһурийәт сарийида, өткән йили 37 йешида москвада қаза қилған мәшһур уйғур композитори, нахша чолпини мурат насирофқа беғишланған консерт болуп өтти.

Игилишимизчә, үч миң кишилик бу зал лиқ толған болуп, консертқа русийиниң атақлиқ чолпанлиридин алийона апина, марина хлебникова қатарлиқ он нәччә нахшичи келип қатнишип, нахша орундиған. Униңдин башқа йәнә мурат насироф һаят вақтида биргә ишлигән "а-студийә" гурупписи, алмутадики уйғур яшлириниң "дәрвишләр " ансамбили қатарлиқларниң нахшичилири, уйғур чолпанлиридин дилназ әхмәдийева һәмдә мурат насирофниң аяли наталия бойко қатарлиқларму иштирак қилип, муратқа беғишланған нахшиларни ейтқан.

Мурат насирофниң вапатиниң бир йиллиқини хатириләш нахша кечилики қазақистандики уйғур җамаити, уйғур яшлири җүмлидин муратниң йеқин достлири тәрипидин уюштурулған болуп, техи йеқинда униң һәйкили орнитилған һәмдә яш чолпанларни таллаш мусабиқиси өткүзүлүп, мурат насироф намидики мукапат тарқитилған иди.

Нөвәттә, русийә вә мустәқил дөләтләр һәм достлуқиға кәң тонулған нахша чолпини мурат насирофниң намини әбәдийләштүрүш үчүн тиришчанлиқ көрситилмәктә. (Үмидвар)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар