Murat nasirofqa béghishlan'ghan naxsha kéchiliki ötküzüldi

28-Féwral küni qazaqistanning kona paytexti almuta shehiridiki jumhuriyet sariyida, ötken yili 37 yéshida moskwada qaza qilghan meshhur Uyghur kompozitori, naxsha cholpini murat nasirofqa béghishlan'ghan konsért bolup ötti.

Igilishimizche, üch ming kishilik bu zal liq tolghan bolup, konsértqa rusiyining ataqliq cholpanliridin aliyona apina, marina xlébnikowa qatarliq on nechche naxshichi kélip qatniship, naxsha orundighan. Uningdin bashqa yene murat nasirof hayat waqtida birge ishligen "a-studiye" guruppisi, almutadiki Uyghur yashlirining "derwishler " ansambili qatarliqlarning naxshichiliri, Uyghur cholpanliridin dilnaz exmediyéwa hemde murat nasirofning ayali nataliya boyko qatarliqlarmu ishtirak qilip, muratqa béghishlan'ghan naxshilarni éytqan.

Murat nasirofning wapatining bir yilliqini xatirilesh naxsha kéchiliki qazaqistandiki Uyghur jama'iti, Uyghur yashliri jümlidin muratning yéqin dostliri teripidin uyushturulghan bolup, téxi yéqinda uning heykili ornitilghan hemde yash cholpanlarni tallash musabiqisi ötküzülüp, murat nasirof namidiki mukapat tarqitilghan idi.

Nöwette, rusiye we musteqil döletler hem dostluqigha keng tonulghan naxsha cholpini murat nasirofning namini ebediyleshtürüsh üchün tirishchanliq körsitilmekte. (Ümidwar)