Алматада мурат насирофниң қириқ нәзири берилди


2007-02-27
Share

Йәкшәнбә күни қазақистанниң алмата шәһиридә, йеқинда туюқсиз вапат болған русийидики атақлиқ уйғур нахшичи мурат насирофниң қириқ нәзири өткүзүлди. Нәзиргә, қазақистандики уйғур, қазақ вә рус сәнәтчиләр вә уйғур җамаәтидин болуп нурғунлиған киши қатнашқан.

Ихтияри мухбиримиз абдулланиң алматадин хәвәр қилишичә, нәзир дә қурани кәрим тилавити вә насирофниң роһиға дуа қилинғандин кейин, сөз гә чиққан нурғун кишиләр, мурат насирофниң туюқсиз өлүминиң уйғурлар һәмдә қазақистан вә русийә сәнити үчүн чоң йоқитиш болғанлиқини ипадилигән. Лекин улар сөзлиридә мурат насирофниң ярқин қияпити уйғур хәлқиниң шундақла қазақситан вә русийә сәнәтчилириниң қәлбидә мәңгү яшайду , чүнки у өз арқисида үчмәс из қалдурған вә хәлқиниң қәлбидин орун алған нахшилирини қалдуруп кәтти, дәп тәкитлигән.

Қазақистанда туғулуп, русийидә даң чиқарған талантлиқ уйғур нахшичи мурат насироф, 19‏- январ күни москвадики өйиниң балконидин чүшүп кетип өлгән.

Русийә сақчи даирилири, мурат насирофниң өзини өйиниң балконидин етип өлүвалғанлиқини билдүрмәктә. Әмма муратниң аяли вә йеқин туққанлири, униң зәһәрләнгән болуши мумкинлиқини баян қилмақта. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт