Almatada murat nasirofning qiriq neziri bérildi

Yekshenbe küni qazaqistanning almata shehiride, yéqinda tuyuqsiz wapat bolghan rusiyidiki ataqliq Uyghur naxshichi murat nasirofning qiriq neziri ötküzüldi. Nezirge, qazaqistandiki Uyghur, qazaq we rus sen'etchiler we Uyghur jama'etidin bolup nurghunlighan kishi qatnashqan.

Ixtiyari muxbirimiz abdullaning almatadin xewer qilishiche, nezir de qur'ani kerim tilawiti we nasirofning rohigha du'a qilin'ghandin kéyin, söz ge chiqqan nurghun kishiler, murat nasirofning tuyuqsiz ölümining Uyghurlar hemde qazaqistan we rusiye sen'iti üchün chong yoqitish bolghanliqini ipadiligen. Lékin ular sözliride murat nasirofning yarqin qiyapiti Uyghur xelqining shundaqla qazaqsitan we rusiye sen'etchilirining qelbide menggü yashaydu , chünki u öz arqisida üchmes iz qaldurghan we xelqining qelbidin orun alghan naxshilirini qaldurup ketti, dep tekitligen.

Qazaqistanda tughulup, rusiyide dang chiqarghan talantliq Uyghur naxshichi murat nasirof, 19‏- yanwar küni moskwadiki öyining balkonidin chüshüp kétip ölgen.

Rusiye saqchi da'iriliri, murat nasirofning özini öyining balkonidin étip ölüwalghanliqini bildürmekte. Emma muratning ayali we yéqin tuqqanliri, uning zeherlen'gen bolushi mumkinliqini bayan qilmaqta. (Qanat)