Мурат насиропниң һәйкәли орнитилмақчи


2007.04.15

Буниңдин үч ай бурун москвадики өйиниң балконидин чүшүп кетип, сирлиқ түрдә қаза қилған атақлиқ уйғур нахша чолпини вә композитор мурат насироп һәққидики инкаслар һәм учурлар русийә мәтбуатлирида йәнила давамлашмақта.

"Һаятлиқ" гезитиниң учуридин мәлум болушичә, мурат насиропниң йеқинлири униң үчүн һәйкәл орнитишқа тәрәддут қиливатқан болуп, 15-март күни москвадики 47 нәпәр нахша чолпини вә сәнәт әрбабиниң қазақистан сәнәткарлири билән бирлишип алмутида өткүзгән хатириләш кечиликидин кейин, мурат насиропниң йеқинлири, достлири вә русийә сәнәткарлири бирдәк һалда хатирә кечиликидә чүшкән пулларни мәбләғ қилип, мәрһум үчүн алмутида һәйкәл орнитишни қарар қилған. Москвадин кәлгән лайһилигүчи мәрһумниң һәйкили вә мәқбәрисиниң түрлүк нусхилирини музакирә қилған.

Мурат насиропниң алмутадики бир кәсипдеши, алмута уйғур яшлириниң мурат насиропниң һәйкилини орнитиш, һәтта униң намини бирәр мәктәп вә яки кочиға бериш һәққидә һөкүмәт даирилири билән сөзлишиватқанлиқини әскәрткән иди.

Техи йеқинда мурат насиропниң сирлиқ өлүми москва тәптиш даирилири тәрипидин "өзни өлтүрүвалди" дегән йәкүн билән хуласиланған болсиму, лекин кишиләрниң буниңдин қайил әмәслики хәвәр қилинмақта. Русийә мәтбуатлирида йәнә мурат насиропниң икки милйон доллар қиммитидики хусусий байлиқиниң кимгә мирас қалдурулуши һәққидиму учурлар пәйда болмақта. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.