Almatada murat nasiropning heykili ornitildi


2007-12-13
Share

Qazaqistanning kona paytexti almuta shehiridiki zariya wostoka mehellisidiki qebristanliqqa rusiye we pütün musteqil döletler hemdostluqigha meshhur bolup tonulghan Uyghur naxshichisi, kompozitori murat nasiropning heykili ornitildi.

Heykelning yopuqini échish murasimi 13- dékabir küni ötküzülgen bolup, murasimgha murat nasiropning a'ile -tawabi'atliri, almutadiki Uyghur, qazaq qatarliq milletlerning bir qisim sen'etkarliri, ziyaliyliri shuningdek Uyghur jama'et wekilliri, oqughuchilar hemde murat nasiropning dost - yarenliri we uning naxshilirining muxlisliri qatnashti.

Murasimda muratqa atap xetme-qur'an qilin'ghandin kéyin, uning sen'et hayati eslinip ötüldi. Murat nasiropning heykilini ornitish hemde uning namini almutadiki birer mektep we yaki kochigha bérish mesilisi ötken yili 3- ayda meydan'gha chiqqan bolup, almutadiki Uyghur jama'itining tirishchanliqi bilen hazirche peqet uning heykilini özi we dadisi yatqan qebristanliqqa ornitish mumkinchiliki bolghan.

Murat nasirop ötken yili 19- yanwar küni moskwada sirliq türde wapat bolghan idi. Uning ölümi heqqide türlük qiyaslar bar bolup, " öz öyining balkonidin özini tashlap ölüwaldi" dégen yekün chiqirilghan bolsimu, lékin köpinche kishiler bashqa her xil qiyaslarni otturigha qoyushmaqta.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet