Мурат насиропни хатириләш үчүн алмутида кәң көләмлик нахша кечилики өткүзүлиду


2007-02-11
Share

Русийиниң "км.Ру" интернет учур ториниң хәвәр қилишичә, 3-айниң оттурсида қазақистанниң кона пайтәхти алмута шәһиридә атақлиқ уйғур композитори вә нахшичиси мурат насиропқа беғишланған нахша кечилики өткүзүлиду.

Мурат насиропниң қазақистандики йеқинлириниң билдүрүшичә, мәзкур нахша кечиликини әслидә мурат насироп һаят вақтида өткүзүшни қарар қилған болуп, лекин у туюқсиз вапат болғандин кейин, буни қандақ қилиш мәсилиси туғулған, нәтиҗидә қазақистандики уйғур яшлири бир йәргә баш қошуп, иқтисад аҗритиш арқилиқ бу консертни муратни хатириләш йүзисидин өткүзүшни қарар қилған.

Русийә учур ториниң хәвәр қилишичә, алмутида өткүзүлидиған хатириләш консертиниң көлими зор болуп, бунинға москвада яшайдиған атақлиқ нахша чолпанлиридин алийона апина, марина хлебникова қатарлиқ 50 мәшһур сәнәткар қатнишидиғанлиқини җакарлиған. Улар мәхсус түрдә муратниң нахшилирини ейтиш һәм униңға беғишлап нахша орунлашни қарар қилған.

Игилишимизчә, мурат насиопниң туюқсиз өлүминиң сири техичә йешилмигән болуп, москвадики тиббий делоларни тәкшүрүш орни муратниң қенини тәкшүрүш арқилиқ, униңда зәһәрлик чекимлик вә яки һарақ қалдуқлириниң йоқлиқини байқиғанлиқини елан қилиш арқилиқ сақчи даирилириниң " мурат насироп зәһәрлик чекимлик тәсиридин өзини өлтүрүвалди" дегән йәкүнни инкар қилған.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт